Jinsi ya kutunza mchanga ili kuhifadhi maji
From Audiopedia
Kuchimba mashimo ya kupanda hukusanya na huhifadhi maji ya mvua ili kusaidia mimea kukua msimu wa ukame. Kupanda mimea kadhaa kwenye shimo moja hufanya matumizi bora ya maji. Chimba mashimo yenye kina cha sentimeta 15 wakati wa kiangazi. Umbali kati ya mashimo kwa upana iwe mara moja unusu ya mashimo. Weka mchanga ndani kwa kila shimo ili kuunda kizuizi kidogo. Mbolea huongezwa kwenye mashimo haya ili kurutubisha udongo na kusaidia kushika maji. Zoezi hili huboresha rutuba ya udongo kwa muda, pia husaidia kuhifadhi maji. Mimea inayohitaji maji mengi hukua vyema zaidi kwenye sehemu ya mteremko. Mazao yanayohitaji maji kidogo hukua vizuri kwenye upande wa juu wa mteremko. Mwaka wa pili, panda kwenye mashimo yayo hayo tu, au chimba mashimo mapya kati ya mashimo ya zamani. Ikiwa utachimba mashimo mapya karibu na yale ya zamani kwa miaka kadhaa, hatua kwa hatua eneo lote litakuwa na mbolea ya kutosha.
Kuta za mawe zilizojengwa kwenye shamba pia hupunguza kasi ya mtiririko wa maji ya mvua, na kuyaruhusu kuzama ardhini. Hii huzuia mmomonyoko wa udongo na kufanya ardhi kuwa na rutuba. Wakulima wanapaswa pia kujaza mifereji-njia zenye kina kirefu zinazotokana na mmomonyoko wa maji-kwa kutumia mawe au kujenga kuta za mawe juu yake. Vizuizi hivi hupunguza kasi ya maji na kuzuia mmomonyoko zaidi, kusaidia mchanga kukaa sawa na kuruhusu ardhi kupona.