బాలికల ప్రత్యేక ఆరోగ్య అవసరాలు ఏమిటి
From Audiopedia
ఒక అమ్మాయి ఆరోగ్యంగా ఉండాలంటే, ఆ అమ్మాయి బాగా తినడమనేది ఒక కీలక విషయం. ఆమె ఎదుగుతున్న సంవత్సరాల్లో ఆమె శరీరానికి తగినంత ప్రోటీన్, విటమిన్లు మరియు ఖనిజలవణాలు లభించాలి. ఒక అబ్బాయికి కనీసంగా ఎంత ఆహారం కావాలో, ఒక అమ్మాయికి కూడా అంత ఆహారం కావాలి. తగినంతగా తినడం వల్ల తక్కువ అనారోగ్యం మరియు పాఠశాలలో ఎక్కువ విజయాలు, ఆరోగ్యకర గర్భధారణలు, సురక్షిత జననాలు మరియు ఆరోగ్యకరమైన వృద్ధాప్యం లాంటివన్నీ సాధ్యమవుతాయి.
బాలికలకు కూడా సరైన ఆహారం అవసరం. ఒక అమ్మాయి తన నెలసరి రక్తస్రావం ప్రారంభించినప్పటి నుండి ఆమె ప్రతినెలా కొంత రక్తం కోల్పోతుంది. కాబట్టి, ఆమెలో బలహీన రక్తం (రక్తహీనత) నివారించడానికి, ఐరన్ కలిగిన ఆహారాలు తినడం ద్వారా, కోల్పోయిన రక్తాన్ని ఆమె భర్తీ చేసుకోవాలి. అలాగే, బాలికలు మరియు మహిళలు ఇద్దరిలోనూ ఎముకలు బలంగా పెరగడంలో సహాయపడటానికి కాల్షియం కలిగిన ఆహారాలు అవసరం.