కుటుంబ నియంత్రణ వల్ల ఇతర ప్రయోజనాలేమిటి

ప్రాణాలు కాపాడడంతో పాటు, కుటుంబ నియంత్రణ వల్ల ఇతర ప్రయోజనాలూ ఉన్నాయిః

• ప్రమాదకర గర్భధారణలు నిరోధించబడుతాయి కాబట్టి, తల్లులు మరియు పిల్లలు ఆరోగ్యంగా ఉంటారు.
• పిల్లలు తక్కువగా ఉన్నప్పుడు ప్రతి ప్రతి బిడ్డకు ఎక్కువ ఆహారం లభిస్తుంది.
• పిల్లలు కనడాన్ని వాయిదా వేయడం వల్ల యువతీయువకులు వారి విద్యాభ్యాసం పూర్తి చేయడానికి, మెరుగైన ఉద్యోగం పొందడానికి మరియు వారి కుటుంబాలకు మరియు సమాజాలకు ఎక్కువ సహకారం అందించడానికి వీలు కలుగుతుంది.
• పిల్లలు తక్కువగా ఉంటే, మీ కోసం మరియు మీ పిల్లల కోసం ఎక్కువ సమయం కేటాయించవచ్చు.

కుటుంబ నియంత్రణ వల్ల అవాంఛిత గర్భం గురించిన భయం ఉండదు కాబట్టి, మీరు మరియు మీ భాగస్వామి సెక్స్‌లో మరింత ఆనందించవచ్చు. కొన్ని పద్ధతుల వల్ల ఇతర ఆరోగ్య ప్రయోజనాలు కూడా ఉంటాయి. ఉదాహరణకు, కండోమ్ మరియు స్పెర్మిసైడ్లు ఉపయోగించడం వల్ల HIVతో సహా సాంక్రమిక ఇన్ఫెక్షన్ల (STIలు) వ్యాప్తి నుండి రక్షణ లభిస్తుంది. హార్మోన్ల పద్ధతి వల్ల స్త్రీ నెలసరి రక్తస్రావం సమయంలో క్రమరహిత రక్తస్రావం మరియు నొప్పి నుండి ఉపశమనం లభిస్తుంది.

ఈ అధ్యాయంలో పేర్కొన్న కుటుంబ నియంత్రణ పద్ధతులన్నింటినీ లక్షలాది మంది మహిళలు సురక్షితంగా ఉపయోగిస్తున్నారు. నిజానికి, గర్భం మరియు ప్రసవం కంటే ఈ పద్ధతులు చాలా సురక్షితమైనవి.

Sources

• Audiopedia ID: tel020403