పిల్లలు రహదారులు దాటుతున్నప్పుడు లేదా నడుస్తున్నప్పుడు లేదా రహదారుల దగ్గర్లో ఆడుకుంటున్నప్పుడు గాయపడవచ్చు. చిన్న పిల్లలు రోడ్డుపైకి పరుగెత్తే ముందు ఏమాత్రం ఆలోచించరు. కుటుంబాలు తప్పనిసరిగా ఇలా చేయాలి:
పిల్లలను జాగ్రత్తగా చూసుకోవాలి.
చిన్నపిల్లలు రోడ్డుపైకి పరుగెత్తకుండా నిరోధించడానికి ఇంటి చుట్టూ కంచె వేసి, గేటు పెట్టి, దానికి తాళం వేయాలి.
పెద్దవాళ్లు లేదా పెద్ద పిల్లలు తోడు లేకుండా రోడ్డు మీద నడవకూడదని మరియు రోడ్డు దాటకూడదని చిన్నపిల్లలకు నేర్పించాలి.
పిల్లలు రోడ్డు దగ్గర్లో ఆడుకోకుండా చూడాలి.
రోడ్డు మీద బంతి వెంట పరిగెత్తడం, కదిలే బొమ్మలతో ఆడుకోవడం లేదా గాలిపటాలు ఎగురవేయడం చేయకూడదని పిల్లలకు చెప్పాలి.
ట్రాఫిక్‌కి ఎదురువైపుగా, రోడ్డు పక్కన మాత్రమే నడవాలని పిల్లలకు సూచించాలి.
నడకదారులు ఉన్నప్పుడు, రోడ్డు మీద కాకుండా వాటి మీదే నడవాల్సిందిగా పిల్లలకు నేర్పించాలి.