కంబైన్డ్ బర్త్ కంట్రోల్ పిల్స్‌ని నేను ఏవిధంగా తీసుకోవాలి
From Audiopedia
మీ వద్ద ఉన్నది 21 రోజుల ప్యాకెట్ అయితే, 21 రోజులు ప్రతిరోజూ ఒక మాత్ర తీసుకోండి. ఆతర్వాత, కొత్త ప్యాకెట్ ప్రారంభించే ముందు 7 రోజులు వేచి ఉండండి. సాధారణంగా, మీరు మాత్రలు తీసుకోని రోజుల్లో మీ నెలసరి రక్తస్రావం జరుగుతుంది. అయితే, మీ ఆరోజుల్లో మీకు నెలసరి రక్తస్రావం రాకపోయినప్పటికీ, 7 రోజులు పూర్తి కాగానే మీరు కొత్త ప్యాకెట్ ప్రారంభించాలి.
21-రోజులు మరియు 28-రోజులు ప్యాకెట్ ఏది ఉన్నప్పటికీ, మీ నెలసరి రక్తస్రావం మొదటి రోజున మొదటి మాత్ర తీసుకోండి. తద్వారా, మీకు మొదటిరోజు నుండే రక్షణ లభిస్తుంది. రక్తస్రావం మొదటిరోజు కాకుండా, ఆ తర్వాత మీరు మాత్ర తీసుకుంటే, మీ నెలసరి చక్రంలోని మొదటి 7 రోజుల్లో ఏదో ఒక రోజు నుండి మీరు పిల్స్ ప్రారంభించవచ్చు. అయితే, మీకు అదే రోజు నుండి రక్షణ ఉండదు. కాబట్టి, మీరు పిల్స్ మొదలుపెట్టినప్పటికీ, మొదటి 2 వారాల పాటు వేరొక కుటుంబ నియంత్రణ పద్ధతి కూడా ఉపయోగించాలి లేదంటే, లైంగిక చర్యకు దూరంగా ఉండాలి. ప్రతిరోజూ ఒకే సమయంలో పిల్ తీసుకోవడానికి ప్రయత్నించండి. వారంలోని అదే రోజున మీరు ఎల్లప్పుడూ కొత్త ప్యాకెట్ ప్రారంభిస్తారని గుర్తుంచుకోవడానికి ఇది సహాయపడగలదు.