म कसरी आफ्नो बच्चालाई जल्नबाट जोगाउन सक्छु

तातो तरल पदार्थ वा खानेकुराद्वारा जल्नबाट जोगाउन:

पकाउने भाँडाको समात्‍ने बिंड (ह्यान्डल) बच्चाले भेट्न नसक्नेगरि अर्कैतिर फर्काउनुहोस्।
तातो खानेकुरा अनि झोल कुराहरूलाई बच्चाले पुग्‍न नसक्‍ने सुरक्षित ठाउँमा राख्नुहोस्।
बाथरुममा बच्चाहरूलाई आफै तातो पानी खोल्न दिने वा नुहाउन दिने नगर्नुहोस्।
बच्चाले तातो पानी खोलि हालेमा पनि उसलाई नपोलोस भनेर पहिल्यै पानीको तापक्रम अलि कम वा ठिक्क अवश्थामा मिलाएर राख्नुहोस्।
भान्सामा खाना तयार गरिरहेको बेला वा तातो कुनै पिउने कुरा तयार गरिरहेको बेला यताउता दौडेर खेल्नुहुँदैन भनेर सिकाउनुहोस्।
तातो झोल वा खानेकुरा समातिरहेको बेला बच्चाहरूलाई समात्‍ने नगर्नुहोस्।