Jinsi ya kulinda vyanzo vya maji

Kuna sehemu kuu mbili ya vyanzo vya maji: Kwanza, maji yanayopatikana kwa ardhi, Pili maji yapatikanayo kwa visima. Maji yapatikanayo ardhini ni kama vile maji ya mito, vijito, maziwa, na madimbwi. Walakini, maji haya mara nyingi huwa na uchafu, viini, au kemikali hatari, kwa hivyo si salama kunywa isipokuwa yatibiwe kwanza. Kwa upande mwingine, maji ya visima, ni maji ambayo hukusanyika chini ya ardhi na huja kupitia kwa chemchemi. Kwa kawaida maji hayo huchujika kiasili ambapo husaidia kuondoa viini vingi. Walakini maji hayo yanaweza kuwa yasiyo salama. Hii hutokea ikiwa maji hayo yatachanganyikana na madini asilia kama vile floridi au arseniki, au ikiwa yamechafuliwa na maji taka yanayovuja, mizinga ya maji taka, au taka zenye sumu kutoka kwa viwanda na mashamba.

Wakati ardhi haijatunzwa vyema, maji ya visima huwa machache. Katika maeneo ambayo miti na mimea hukatwa, maji ya mvua hutiririka kutoka ardhini badala ya kulowa ardhini ili kujaza maji. Hii hupunguza kiasi cha maji ya visima yanayopatikana kwa matumizi.

Ili kuweka maji mengi yapatikanayo kwa ardhi na visima salama ni muhimu kutunza mazingira. Mazoea ya kilimo endelevu husaidia kwa kuzuia kemikali hatari na kuhifadhi mchanga. Kutumia vyoo salama huzuia kinyesi cha binadamu kuchafua usambazaji wa maji. Vilevile, ni muhimu kulinda vyanzo na maeneo ambapo maji hukusanyika. Maeneo hayo ni yale ambayo maji ya mvua hukusanyika na hutiririka ndani ya mito au hupenya chini ya ardhi.

Kadiri watu wengi wanavyosogea karibu na vyanzo vya maji, inakuwa vigumu kuweka maji safi ya matumizi. Shughuli katika viwanda na mashamba makubwa yanaweza kutumia maji kupita kiasi au kuchafua maji, hivyo basi kufanya iwe vigumu kwa jamii kupata maji salama. Njia bora ya kutatua matatizo haya ni jamii kufanya kazi kwa pamoja ili kulinda vyanzo vyao vya maji. Jamii yaweza kuiomba serikali kuchukua hatua mwafaka na kuhakikisha viwanda vinafuata sheria zilizowekwa ili kuzuia uchafuzi wa maji.

Tukitunza ardhi, maji na mazingira yetu, tunaweza kuhakikisha kwamba kila mtu anapata maji safi ya kutosha ya matumizi kama vile maji ya kunywa, maji ya kilimo, na mahitaji mengineyo.

Sources

• Audiopedia ID: Sw3101