स्तनपान के बखत मोला का-का खाना चाही?
From Audiopedia
गरभ के बाद महतारीमन ल बने-सुग्घर खानपान रखना चाही। एखर ले ओमन अपन लइका के बने देखभाल घलो कर सकहीं अउ दूसर काम ल तको कर सकहीं। अइसन महतारी ल प्रोटीन अउ वसा वाले खाना लेना चाही। फलफूल अउ साग-भाजी बिकट अकन खाना चाही। साथे-साथ अइसन महतारी मन ल तरल जिनिस पीना चाही। एमा दूध, साफ पानी, जड़ी-बूटी वाला चाय अउ फल के रस पिए जा सकत हे।
भूख-पियास लगे म बने-बने खाना लेना चाही अउ अब्बड़ अकन पानी पीना चाही। दारु, माखुर, नशा करईया दवई मन ले बचना चाही। कॉफी अउ सोडा पिए के बजाए साफ पानी, फल अउ साग-भाजी के रसा, दूध अउ जड़ी-बूटी वाले चाय बने होथे।
कइझन मन हा कथे कि नवा-नवा महतारीमन ल कुछु खाए के जिनिस नइ लेना चाही। लेकिन, महतारी ल संतुलित आहार नइ मिलही त ओहा कुपोषण, खून के कमी (एनीमिया) अउ दूसर बीमारी ले ग्रस्त हो सकत हे।
कभु-कभु स्तनपान के बखत माईलोगिन मन ल बिसेस आहार दे जाथे। अइसन आहार पोष्टिक रहे तो ये बने बात हे। बढ़िया खाना-पीना ले प्रसव के बाद लइकोरी महतारी के सरीर ल तुरते स्वस्थ अउ मजगुत होए म मदद मिलथे।
कोनो माईलोगिन ल जादा भोजन के जरूरत होथे, कहूँ: