सुवच्छता ह कीटानुमन ल फइले ले कइसे रोक सकत हे? - Audiopedia
रोगानु मन अउ बीमारी ल फइले बर रोके के खातिर समाज म सुवच्छता, घर-दुवारी म साफ-सफई अउ खुद के सफई अब्बड़ जरूरी हे।
उदाहरन बर:
- परजीवी ले संकरमित मनखे ल दस्त हो सकत हे।
- सुरा ह मनखे मन के मल ल खाथे।
- कोनो आदमी के लईका अगर सुरा संग खेलही, त ओखर मल लईका उपर लग जथे।
- बाद म, जब लईका ह रोए बर लगथे त ओखर महतारी अपन लुगरा ले ओखर अंगरी ल पोंछ देथे।
फेर ओखरो हाथ म ए मल ह लग जथे।
- फेर उही महतारी ह बिन हाथ धोए खाना बनाए ल लग जथे।
फेर अपन हाथ ल जले ले बचाए बर अपन लुगरा के उपयोग करथे, अउ ये बात ल भुला जथे के ओखर लुगरा साफ नइ हे।
- फेर परिवार के दूसर मनखे मन खाना खाए ल लगथें।
एखर ले सबो ल दस्त होए ल लगथे।
अगर परिवार के कोनो सदस ह सावधानी बरते रहितिन, त बीमारी ल रोके जा सकत रिहिस हे।
- अगर कोनो मनखे सउचालय के उपयोग करे रहितिस।
- अगर सुरा ल एती-ओती भागे ले रोके जतिस।
- अगर महतारी ह अपन लईका के हाथ ल पोंछे बर या फेर खाना ल छुए पर अपन लुगरा के उपयोग नइ कर रहितिस।
- अगर महतारी ह अपन लईका ल छुए के बाद अउ खाना बनाए के पहिली अपन हाथ ल धोए रहितिस।
Sources