कतको माईलोगन मन ल स्वास्थ्य समसिया होथे जेखर ले ओमन ल ए गोली के उपयोग करना खतरनाक होथे।
अगर तुमन ल अइसन बीमारी हे, त ए गोलीमन ल झन खावव:
यकृत के बीमारी, हेपेटाइटिस या चमड़ी अउ आंखी पिंवरा हो।
कभु झटका, पक्षाघात या दिल के बीमारी के लकछन दिखे हो।
अगर तुमन गोड़ के नस म या फेफड़ा म या दिमाग म खुन के थक्का जमे हो। वैरिकाज नस आमतौर म कोनो समसिया नइ होही, जब तक नस लाल अउ घाव नइ होवय।
अगर तुमन उपर बताए गे कोनो भी बीमारी हे त संयुक्त गर्भनिरोधक गोली के अलावा दूसर कोनो बिधि ल बउरना चाही। लेकिन तुमन अइसन नइ कर सकव, त गर्भवती होए के तुलना म संयुक्त गोली लेना बने होथे।
संयुक्त गोली, अइसन हालत म नइ लेना चाही:
अगर तुमन स्तनपान कराथव, त संयुक्त गोली ले के पहिली ए देखना चाही के तुंहर दुध बने असन आथे के नइ। एमा तीन हप्ता के समय लग सकत हे।
अगर तुमन बीड़ी-सिगरेट पिथव अउ 35 बछर ले जादा के उमर हे। अइसन म तुमन ल झटका या दिल के दौरा पड़े के संभाउना हो सकत हे।
अगर तुमन ल मिरगी या मधुमेह के बीमारी हे। अगर तुमन झटका के गोली खाथव त तुमन ल 50 माइक्रोग्राम वाला एस्ट्रोजन गोली खाए के जरूवत पड़ही। एखर बारे म कोनो डाक्टर ले सलाह लेना चाही।
अगर तुमन ल उच्च रक्तचाप (140/90 से अधिक) हे। अगर तुंहर बजन अब्बड़ जादा हे, बार-बार मुड़ी पीराथे, सांस फुलथे, कमजोरी लगथे या चक्कर अथे, कंधा या सीना म पीरा होथे, त तुमन ल उच्च रक्तचाप के जांच करवाना चाही।