संयुक्त गोली के का-का दुस्परभाव होथे?
From Audiopedia
मतासी के समसिया हर 1 या 2 महीना के बाद दुर हो जथे। अगर एखर बाद भी समसिया दुर नइ होवत हे त जेवन के संग म या फेर दिन के कोनो दूसर बेरा गोली खाए के परयास करना चाही। कईझन माईलोगन ल लगथे के रात म सुते के पहिली गोली खाना बने होथे।
पहिली कुछ महीना म हल्का मुड़ीपीरा होना आम बात होथे। एखर बर पीरा के हल्का दवई खाए जा सकत हे। लेकिन मुड़ीपीरा अब्बड़ जादा हे अउ तुमन ल धुंधला दिखत हे, त ए हर गंभीर चेतावनी हो सकत हे।
अगर तुमन गर्भनिरोधक गोली लेथव अउ कोनो नवा बदलाव ले परसान हव, त कोनो स्वास्थ्य कारकरता संग मिलव। ओ हर तुमन ल कोनो दूसर गोली दे सकत हे।
अगर गोली खात बेरा तुमन ल कोनो नवा दवई दे जात हे, त स्वास्थ्य कारकरता संग बाधा बिधि के बारे म पुछना चाही या फेर दवई खात बेरा यौन संबंध नइ बनाना चाही। कई किसम के एंटीबायोटिक्स अउ दूसर दवई हर अइसन गोली ल कम परभावी बना देथें।