लोगन मन दारू या फेर नसीला जिनिस के काबर उपयोग करे बर लगथें?

लोगन मन कई बखत सामाजिक दबाव के कारन दारू अउ नसीला जिनिस ल खाए-पीये ल सुरू कर देथें। टुरामन अउ आदमीमन के उपर, अपन मरदानगी देखाए बर दारू अउ दूसर नसीला जिनिस के उपयोग करे बर दबाव पड़ सकत हे। कईझन आदमी मन सोंचथे के ओहा जतना जादा दारू अउ दूसर नसीला जिनिस के उपयोग करही, ओतना जादा मरदाना साबित होही। कईझन दारू अउ दूसर नसीला जिनिस के उपयोग, एखर सेती करथें के ए जिनिस ओमन ल बने लगथे।

कई झन नोनी अउ माईलोगन मन ल घलो पीये या नसा के परयोग सुरू करे बर सामाजिक दबाव के सामना करे बर लगत हे। ओमन ल लगथे के अइसन करे ले ओमन ल नवा जमाना के माने जाही। ओमन ल लगथे के उंखर ए जिनिस ल दूसर मन स्वीकार कर लीहीं।

दारू अउ नसीला जिनिस बनाए अउ बेचइया कंपनीमन घलो सामाजिक दबाव के उपयोग करथें। ए मन अइसन विज्ञापन दिखाथें, जेखर ले नसीला जिनिस अउ दारू बड़ा सुघ्घर लगथे। खासकर नवा-नवा टुरा टानका मन ह ए बिगियापन ल देख के बिसाए बर उतसाहित होथें। बिगियापन के अलावा, गाना-बजाना अउ फिलिम तको दारू अउ नसीला जिनिस ल खाए-पीये बर उतसाहित करथें। दारू बनाइया अउ बेचइया मन इनला बिसाना, आसान अउ मजादार बना देथें। अउ अइसन म जादा ले जादा मनखे इनला बिसाना चाहथें। अइसन दबाव अब्बड़ नकसानी करथे, काबर के लोगन ल एंखर दुसपरभाव के बारे म जादा पता नइ रहय।

Sources

• Audiopedia ID: hne_03_2