रक्तस्राव म बदलाव होए के का कारन हो सकत हे?
From Audiopedia
बीमारी, तनाव, गर्भावस्था, स्तनपान, लंबा जातरा, अब्बड़ काम या फेर खाए-पिए म बदलाव के कारन बेरा-बेरा म महवारी म बदलाव हो सकत हे, ए हर सामान्य बात होथे। लेकिन अगर महवारी म अचानक बदलाव आथे, कुछ समसिया होथे अउ कई महीना तक बने रहिथे, त ए हर कोनो गंभीर समसिया के लकछन हो सकत हे।
अगर महवारी म अचानक बदलाव आथे, त पहिली अपन गर्भावस्था के संभावना के बारे म सोचना चाही। भले तुमन परिवार नियोजन के कोनो विधि के परयोग करत होहु।
कभु-कभु अंडासय हर अंडा पइदा नइ करे। जब अइसन होथे, त सरीर हर कमती प्रोजेस्टेरोन बनाथे, एखर ले कोनो महिला के महवारी म बदलाव आ सकत हे। जेन नोनीमन के महवारी हाल म सुरू होए हे, या फेर जेन माईलोगन हर हाल म स्तनपान कराना बंद करे हें, उंखर महवारी कई महीना म आ सकत हे, या फेर कमती रक्तस्राव हो सकत हे या फेर अब्बड़ जादा रक्तस्राव हो सकत हे। लेकिन जइसे जइसे बखत बितत जथे, ये महवारी नियमित हो जथे।
जेन माईलोगन, परिवार नियोजन बर हारमोनल विधि के परयोग करथें, ओमन ल कभु-कभु महीना के बीच म ही रक्तस्राव सुरू हो जथे।
अइसन बुजुर्ग माईलोगन जिंखर रजोनिवृत्ति अभी सुरू नइ होए हे, ओमन ल अब्बड़ जादा रक्तस्राव घलोक हो सकत हे, या फेर पहिली के तुलना म जादा पइत रक्तस्राव हो सकत हे। जइसे-जइसे ओमन रजोनिवृत्ति के तीर म आत जथें, कुछ महीना बर उंखर महवारी बंद हो जथे अउ दुबारा घलोक सुरू हो सकत हे।