यौन संबंध ल लेके होवइया झगरा-लड़ई ले मैं हर कइसे निपट सकत हंव?
From Audiopedia
अपन घरवाला संग यौन संबंध के बार म गोठियाना चाही। अगर तुमन अइसन कभु नइ करे हव, त सुरूआत म थोड़किन कठिन लग सकत हे, लेकिन अइसन करना जरूरी होथे। अगर तुमन एखर बारे म बात नइ करहु त ओला कइसे पता चलही के तुमन यौन संबंध आनंद लेवत हव के नइ? ओला अपन पसंद के बारे म बताना चाही। ओला तुमन ल सिखाना चाही के तुमन कोन तरीका ले उत्साहित महसूस करथव।
चुमे ले, छुए ले, गोठियाए ले कोनो मनखे हर उत्तेजित महसूस करथे अउ एखर ले यौन संबंध सुरू होथे।
अकसर कोनो महिला ल उत्तेजित होए म, पुरूस ले जादा बेरा लगथे। एखर सेती अपन घरवाला ल कहव के यौन संबंध बनाए के दउरान, ओ हर थोड़किन धीरज धरए।
लगभग सबो माईलोगन बर चरमसुख पाना संभव होथे, लेकिन कईझन माईलोगन ल अइसन सुख कभु नइ मिलए, या फेर कभु-कभार मिलथे। अगर कोनो महिला चाहे त खुद ल छु के या फेर अपन घरवाला ल एखर बारे म बता के यौन सुख हासिल करे बर सीख सकत हे।
कोनो महिला ल महसूस होवइया सुख के मातरा हर, ओखर महवारी के दउरान या फेर ओखर जिनगी के दउरान बदल सकत हे। अगर तुंहर या तुंहर घरवाला के यौन संबंध बनाए के मन नइ हे, त एक-दूसर ल माफ करना सीखना चाही अउ ए बारे म एक-दूसर संग गोठियाना चाही। अपन चाहत के मुताबिक, यौन संबंध बर एक-दूसर ल समय देना चाही अउ अइसन कोनो जिनिस करना चाही, जेखर ले तुमन दूनों रोमाचिंत होवव।
यौन संबंध म कभु पीरा घलोक नइ होना चाही। ए दउरान पीरा होवई के मतलब, हे के कुछु गड़बड़ी हे। यौन संबंध के दउरान कोनो महिला ल अइसन कारन ले पीरा हो सकत हे:
जरूरी बात: अगर तुमन ल संदेह हे या पता हे के तुंहर घरवाला हर तुंहर बिसवास ल टोरत हे, त ओखर संग यौन संबंध तब तक नइ बनाना चाही, जब तक ओहर कंडोम के उपयोग नइ करे। अगर ओ हर दूसर मन संग यौन संबंध बनाथे त ओखर कारन तुमन ल एचआईवी-एड्स जइसन यौन संचरित संकरमन हो सकत हे। अइसन संकरमन पुरूस अउ महिला, दूनों ल हो सकत हे। लेकिन कोनो महिला हर आसानी ले संकरमित हो जथे, एखर सेती माईलोगन उपर जादा खतरा होथे।