यौन संबंध ल लेके कइसन-कइसन झगरा होथे?

कईझन पुरूस मन नइ चाहें के उंखर घरवाली मन परिवार नियोजन के उपयोग करएं। असल म ओमन एखर बारे म जादा नइ जानएं, ओमन ल एखर तरीका नइ मालूम रहे। एखर कईठन कारन होथे। कईझन पुरूस मन परिवार नियोजन के खतरा के बारे म सुने रहिथें, एखरे सेती ओमन ल अपन घरवाली के सेहत ल लेके संसो रहिथे। कईझन पुरूस मन सोंचथें के अगर उंखर घरवाली हर परिवार नियोजन के तरीका ल अपनाही त ओ हर कोनो दूसर पुरूस संग यौन संबंध बना सकत हे। संगे-संग पुरूसमन हा जादा लईका पइदा करे ल ‘मरदाना’ काम समझथें।

कईठन देस म जादातर बिहाव, परिवार वाले के मरजी ले होथे। अइसन बिहाव म दूल्हा अउ दुल्हन के जादा कुछु नइ चले अउ सादी के बाद लड़की ल अपन घर छोड़ दे बर पड़थे। कईठन समाज अइसन होथे जिहां, कोनो महिला ल ओखर घरवाला के संपत्ति समझे जथे अउ सादी के बाद घरवाला हर अपन आनंद बर जब चाहे तब ओखर सरीर के मनचाहे उपयोग करथे।

अइसन हालत म, कईझन माईलोगन मन अपन घरवाला ले मया नइ कर पावएं अउ ओमन ल उंखर संग यौन संबंध के आनंद लेना मुसकिल लगथे। ओमन ल लगथे के उंखर उपर अइसन कोनो मनखे संग यौन संबंध बनाए के दबाव डाले जात हे, जेन ला ओमन बने असन नइ जानए या ओमन ल पसंद नइ करें। अइसन म ओमन अपन घरवाला संग यौन संबंध नइ बनाना चाहें। अइसन होथे त, घरवाला हर घुंसिया जथे अउ अपन घरवाली उपर यौन संबंध बनाए के दबाव डालथें। जेखर ले माईलोगन मन के अपन घरवाला ल अउ जादा नाराज अउ अस्वीकार करे के ‘दुस्चक्र’ पइदा हो सकत हे।

एखर अलावा, कईझन पुरूस सोंचथें के ओमन जब चाही तब ओला कोनो दूसर महिला संग यौन संबंध बनाए के अधिकार हावे लेकिन उंखर घरवाली हा अकेल्ला ओखरेच रहय।

Sources

• Audiopedia ID: hne_29_9