पहिली पइत यौन संबंध बनाए ले तुमन गर्भवती तको हो सकत हव।
तुमन भलकुन एके पइत यौन संबंध बनाए होवव, लेकिन अगर परिवार नियोजन बिधि ल नइ बउरे हव त तुमन गर्भवती घलोक हो सकत हव।
अगर पुरूस साथी ललगथे कि ओ हर अपन सुकरानु ल बाहिर कर दे हे, तभो ले तुमन गर्भवती हो सकत हव।
अगर तुमन कोनो संकरमित मनखे के संग यौन संबंध बनावत बेरा कंडोम नइ बउरे हव त तुमन ल एसटीआई या एचआईवी हो सकत हे। तुमन कोनो मनखे ल देख के नइ बता सकव के ओहर संकरमित हे के नइ।
कोनो नोनी बर, कोनो पुरूस लेयौन संचरित संकरमन (एसटीआई) या एचआईवी हासिल करना, ओला संकरमित करे के तुलना म आसान होथे। काबर के यौन संबंध के दउरान, माईलोगन हर ‘ लेवइया’ होथें। कोनो नोनी ल संकरमन हे के नइ ये जानना तको अब्बड़ कठिन होथे, काबर के अइसन संकरमन ओखर सरीर के भीतरी म होथे।
एसटीआई अउ एचआईवी ले सुरछा बर हमेसा कंडोम बउरना चाही। लेकिन गर्भावस्था, एसटीआई अउ एचआईवी ले बांचे के सबले बढ़िया तरीका यौन संबंध नइ बनाना हे।