बलात्कार के मामला म एसटीआई आसानी ले फइलथे, काबर के एखर ले योनि के त्वचा हर फट जथे। अगर बलात्कारी मनखे ल एसटीआई रही, त तुमन ल घलोकए बीमारी हो सकत हे। असल म तुमन ल ओखर संकरमन के बारे म नइ मालूम रहय, एखर सेती तुमन ल अपन इलाज करवाना चाही, जेखर ले ए संकरमन ले तुमन अउ कोनो दूसर मनखे घलोक बांच सके। गोनोरिया, सिफलिस अउ क्लैमाइडिया बर दवई खाना चाही अउ एसटीआई के लकछन म धियान देवत रहिना चाही। भलकुन तुमन संकरमित नइ हावव, लेकिन दवई ल खाना चाही।
तुमन ल एचआईवी जांच घलोक करवाना चाही। एचआईवी ल रोके बर 24 ले 72 घंटा के भीतरी म दवई खा लेना चाही। अपन इलाका के दवई-गोली के बारे म जाने बर कोनो अनुभवी स्वास्थ्य कारकरता संग मिलना चाही। अइसन दवई ल 28 दिन तक ले खाना चाही।