युवावस्था के दउरान मोर सरीर कइसे बदलथे?
From Audiopedia
बिकास
पहलइया बदलाव म तुंहर सरीर हर तेजी ले बिकास करथे। हो सकत हे तुमन अपन उमर के लड़कामन ले घलोकलंबाहो सकत हव। महवारी सुरू होए के एक ले तीन बछरके बाद तुंहर लंबई हर रूक सकत हे।
सरीर म बदलाव
तेजी ले बाढ़े के अलावा तुंहर सरीर हर बदले बर सुरू हो जही। सरीर म हारमोन नाव के एकठन पराकिरतिक रसायन होथे, जेन तुंहर सरीर ल बाढ़े म योगदान देथे अउ इहि ल बदलाव केहे जथे।
सरीर के भीतरी म
कईठन बदलाव अइसन होथे, जेन ल तुमन नइ देख सकव। गरभासय, नलिका, अंडासय अउ योनि के आकार अउ स्थिति बदलत जथे।
तुमन ल का-का महसूस होथे
जइसे-जइसे तुमन अइसन सबो बदलाव ले गुजरथव, तुमन अपन सरीर के परति जागरूक होए बर लगथव। तुमन ल लड़कामन अउ अपन संगी म घलोकजादा रूचि हो सकत हे। कई पइत अपन भाउना म तुंहर नियंतरन कमती तको हो सकत हे। महवारी के सुरूवाती दिन म तुमन ल जादा घुस्सा, संसो या फेर खुसी हो सकत हे।
महवारी (महीना, मासिक धरम)
महवारी हर एक परकार के सूचक हरेके तुंहर सरीर हर गर्भवती हो सकत हे। वइसे, कोनो भी नोनी हर ए नइ जान सकय के ओला पहिली पइत महवारी कब होही। आमतौर ले जब ओखर स्तन अउ सरीर के बाल बाढ़े बर लगथे, तब महवारी होथे। महवारी सुरू होए के कई महीना पहिली, ओखर योनि म थोड़किन गिल्लापन हो सकत हे। ए हर समान्य बात होथे।
कईझन नोनीमन पहिली पइत महवारी के दउरान खुस होथे, खासकर के तब जब ओला एखर बारे म पता रहिथे। जेन नोनी ल एखर बारे म पहिली ले नइ बताए जाए, ओ हर थोड़किन परसान हो सकत हे। अइसन सबो माईलोगन संग होथे, तुमन एला स्वीकार कर सकत हव अउ खुसी तको महसूस कर सकत हव। ए हर कोनो गंदा बात या फेर सरम वाले बात नइ होवए।