मोला स्तनपान कब ले बंद करना चाही?
From Audiopedia
छे महीना ले एक बरस के लइका, जब कभु मांगे ओला महतारी के दूध पियाना चाही। जब तक लइका चार महीना के नइ हो जाए, ओला कुछु दूसर जिनिस नइ खिलाना चाही। एखर बाद भले ओहा कुछु अउ खाए ल सुरु कर दे, लेकिन ओला महतारी के दूध के जरुरत अभी घलो होथे जइसे पहिली राहे। सुरु म खाए-पिए के दूसर जिनिस के साथ दिन म दु-तीन बेरा स्तनपान कराना चाही। दुसर खाना म हल्का अनाज या दलिया जइसन जिनिस दिए जा सकते। कइझन महतारी मन अपन दूध में येला मिला देथें। लइकामन बर महंगा अनाज ले के जरुरत नइ हे।
अगर कोनो लइका चार-छे महीना के हावे अउ स्तनपान ले खुस या फेर पोषित नइ हे तो ओला जादा ले जादा दूध पिलाए जरुरत हो सकत हे, एखर ले महतारी के स्तन म जादा दूध बनथे। सुरु के पांच दिन म महतारी ल जतका जादा हो सके वोतका दूध पियाना चाही। अउ अगर लइका अभी भी खुस नइ हे ता दूसर जिनिस खावए के कोसिस करना चाही। अइसन म खाए के जिनिस ल बने असन ले गुंड़ा कर लेना चाही। लइका ल खवाए बर कप-कटोरी या फेर चम्मच के उपयोग करना चाही।
लइकामन ल बार-बार खवाए के जरुरत होथे दिनभर म लगभग पाँच बेर। लइकामन ल रोज जरुरी खाना जइसे दलिया, मक्का, गहूं, चाउर, बाजरा, आलू, कसावा खवाना चाही। अइसने सरीर बनाए वाले भोजन जइसे बरबटी, गुंड़ा वाले मूँगफली, अंडा, पनीर, मास-मछरी घलो खवाना चाही। साथे-साथ साग-भाजी घलो खवाना चाही। अइसे नइ हे के तु ल दिन म पांच बेर खाना बनाए ल लगही, कइठन जिनिस ल ठंडा नास्ता के रुप म घलो दे जा सकत हे।
जइसे-जइसे लइका बड़े होथे, नवा-नवा जिनिस खवाना चाही। नौव महीना ले 1 बरस तक, कोनो लइका जादातर पारिवारिक भोजन खा सकत हे। हां, ओला बने असन काटना चाही, ताकि खाए बर आसानी होए।
दूसर बरस म घलो महतारी के दूध लइका ल संक्रमन अउ दूसर बीमारी ले बचाथे। हो सके तो लइका ल कम से कम दू बरस तक स्तनपान करना चाही, चाहे तुँहर दूसर लइका घलो होगे हो। जादातर लइकामन धीर-धीर स्तनपान बंद कर देथें।