मोला सियान पुरूस ले बिसेस रूप ले सावधान काबर रहिना चाही?

कईझन नोनीमन बड़े उमर के पुरूस डहरआकरसित हो जथें। अइसन काम अब्बड़ रोमांचक लग सकत हे, खासकर के अगर ओ पुरूस हर समाज के परमुख मनखे हो, अउ ओखर तिर म अब्बड़ अकन पइसा हो। अइसन पुरूस जेन अपन परेमिका बर अब्बड़ अकन जिनिसबिसराके देथे, कई देसन म ओला ‘सुगर डैडी’ केहे जथे।

अकसर जेन नोनी हर कोनो सियान पुरूस, जेखर बिहाव होगे हे, संग जथे, बाद म ओला पता चलथे के ओखर इस्तेमाल यौन संबंध बनाए बर करे गे हे अउ ओखर संग बुरा बेवहार होए हे।

कभु-कभु कोनो सियान पुरूस हर कोनो मोटियारी महिला उपर जवान लड़का के तुलना म जादा दबाव बना सकत हे, खासकर के तब, जब ओखर तिर अब्बड़ ताकत होथे।

कईठन समाज अइसन हे, जिहां मोटियारी माईलोगन अउ नोनीमन ल एचआईवी के अब्बड़ संकरमन होवत हे। सियान मनखे संग यौन संबंध बनइया नोनीमन ल अइसन खतरा जादा होथे, काबर के सियान पुरूस मन ल एचआईवी के संकरमन के संभाउना जादा होथे। वइसे, अइसन संकरमन कोनो भी मनखे ल हो सकत हे।

Sources

• Audiopedia ID: hne_27_16