गर्भनिरोधक गोलीमन तुमन ल गर्भावस्था ले तब तक बचाहीं जब तक तुमन रोज एक गोली खात रहु। बजार म कई किसम संयुक्त गोली मिलथें, जेमा एस्ट्रोजन अउ प्रोजेस्टेरॉन के मातरा अलग-अलग होथे। 20, 30 या 35 माइक्रोग्राम एस्ट्रोजन वाले गोली ल \"कम खुराक\" वाले गोली केहे जथे। कम खुराक वाले गोली अउ मिनीपिल अलग-अलग होथें। कम खुराक वाले गोली म एस्ट्रोजन अउ प्रोजेस्टेरॉन दुनो होथें जबकि मिनीपिल म सिरिफ प्रोजेस्टेरॉन होथे। कभुच अइसन बिधि ल झन बउरव जेमा 50 माइक्रोग्राम ले जादा एस्ट्रोजन हो।
परिवार नियोजन केंद्र, स्वास्थ्य केंद्र, दवई दुकान अउ स्वास्थ्य कारकरता मन के माध्यम ले संयुक्त गोली ले जा सकत हे।
एक पइत तुमन गोली ले बर सुरू करथव त तुमन ल एके नाव के गोली ल लेवत रहिना चाही। अगर तुमन ल नाव बदलना हे त समान हारमोन अउ ताकत वाले दूसर गोली लेना चाही। एखर ले तुमन ल कम दुस्परभाव अउ जादा सुरछा मिलही।