मोला लईकामन बर खाना ल बने ढंग ले कइसे सम्हालना चाही।?
From Audiopedia
महतारी के दूध नानुक लईकामन बर सबले सुरछित अउ पोसटिक होथे। महतारी के स्तन ले निकाले गे दूध ह कमरा के तापमान म, साफ-तोपे बरतन म आठ घंटा तक बने-बने रहिथे। अगर बड़का लईकामन ल जानवर के दूध दे जा थे त ओला बने असन उबालना चाही अउ ताजा पियाना चाही।
काँचा अउ बांचे पके खाना खतरनाक हो सकत हे। काँचा खाना ल पहिली धोना चाही, फेर पकाना चाही। पके खाना ल बिन देरी करे खाना चाही या फेर खाए के पहिली बने असन गरम कर लेना चाही।
बर्ड फ्लू ल फइले से रोके बर, सबो पोल्ट्री उत्पाद ल बने असन पकाना चाही। फर अउ साग ल छील के या फेर साफ पानी ले बने ढंग ले धो के खाना चाही। खासकर, लईकामन ल।
फर अउ साग म अकसर कीटनासक अउ साकनासक जइसन रसायन डलथे, जेन हानिकारक हो सकत हे।
काँचा जिनिस ल छुए के बाद, अपन हाथ ल साबुन अउ पानी म धोना चाही। काँचा खाना, बिसेस रूप ले पोल्ट्री अउ समंदर के खाना म जादा रोगानु होथें। अगर पके खाना म, काँचा खाना मिल जथे त ओमा कीटानु पइदा हो सकत हे। काँचा अउ पके खाना ल हमेसा अलग-अलग रखना चाही। काँचा खाना ल पकाए के बाद, चाकू-छुरी, बरतन ल हमेसा साबुन अउ पानी म बने असन साफ करना चाही।