मोला बुरुली घाव कइसे हो सकथे?
From Audiopedia
ए ह पीढ़ी दर पीढ़ी नइ होवए। बुरुली घाव वाले महतारी के लइका बुरुली घाव संग पइदा नइ होवए।
एखर फइले के का कारन हे, एखर बारे म अभी तक ले कोनो जनकारी नइ हे। फेर बुरुली घाव, मउसम अउ बाताबरन के कारन होथे। एखर मतलब ए होइस के तुमन ल तुंहर तिर-तखार के मउसम अउ जलवायु के कारन एखर संक्रमन होथे। ए बीमारी ह एक-दूसर ले नइ फइलए। एखरे सेती कोनो बुरुली घाव से संक्रमित मनखे ले तुमन ल बुरुली घाव नइ हो सके। एहु सुरता रखव कि एहा कोनो भगवान के सराप या भूत-परेत के कारन नइ होवए। एहु बात सच नइ हे के जेनमन बुरुली घाव ले परभावित होएं हें ओमन ह कोनो तर के पाप करे हें या फेर ओमन कोनो खराब मनखे हें। एखरे सेती, बुरुली घाव ले परभावित मनखे संग अलग-बिलग व्यवहार करे के कारन नइ हे। अइसन बीमारी वाले मनखे संग खाए-पिए या ओलो छुए-धरे या ओखर जतन करे म कोनो परसानी नइ होवए। जब कोनो मनखे पहिली बेरा म बुरुली घाव के कीटानु के संपर्क म आथे, तब कइ महीना के बादे ओला सुरुवाती लकछन दिखइ देथे।