मोला नानुक लईका 6 महीना ले बड़का ल कइसे खाना खवाना चाही?
From Audiopedia
6 महीना के उमर म लईका ल महतारी के दूध के अलावा दूसर खाये-पीये के जिनिस के घलो जरूवत पड़थे।
अइसन जेवन, लईका के बिकास अउ बाढ़े बर जरूरी उरजा, पुरोटीन, बिटामिन अउ दूसर पोसक तत्व परदान करथें।
कई किसम के खाए-पीये के जिनिस, जइसे साग-भाजी अउ फर, मास, मुरगी, मछरी, अंडा अउ डेयरी उत्पाद, लईका के पोसन संबंधी जरूवत ल पूरा करे म मदद करथें।
लईकामन ल दु साल या फेर ओखर जादा समय तक ले स्तनपान कराना चाही, एखर ले ओमन ल कई किसम के पोसक तत्व मिलथे, जेन बीमारी ले ओमन ल बचाथे। अगर कोनो लईका ल देरी ले नरम या ठोस जेवन दे के सुरूवात होथे, त ओला जरूरी पोसक तत्व नइ मिल पाय।
एखर ले लईका के बिकास धीर पड़ सकत हे।
ठोस खाए के जिनिस दे के सुरूवात करतबेरा, पहिली नरम अउ गूदा वालेजिनिस देना चाही। अउ फेर धीर लगाकेजादा ठोस खाए के जिनिस देना चाही।
स्वस्य़ जेवन म जतका जादा बिबिधता होही, लईका के जेवन वतकाही संतुलित अउ पोस्टिक होही।
लईका के जरूवत अउ छमता ल देख के, ओखर जेवन के बिबिधता म धियान देना चाही।
6 महीना के लईका हा, जेवन ल मसल के, गाढ़ा सूप अउ दलिया खा सकत हे।
8 महीना तक के जादातर लईका अपन हाथ ले खवइया जिनिस ल खा सकत हे।
12 महीना के जादातर लईका परिवार के दूसर सदस असन जेवन कर सकत हे।
दाई-ददा या फेर दूसर मनखे ल लईका क देकभाल करतबेरा, अइसन जिनिस खवाए ले बचाना चाही, जेखर ले लईका के दम घुट सकत हे। एमा मेवा, अंगूर, कईचा गाजर जइसन जिनिस सामिल हे।