मोला खंस्सी सरदी अउ दूसर गंभीर बीमारी के बारे मा का-का पता होना चाही?
From Audiopedia
फेर कुछ मामला मा खंस्सी, निमोनिया या तपेदिक जइसन गंभीर बीमारी ले खतरा के संकेत देथे। जेन लइका जोर-जोर ले सांस लेथे या फेर ओला सांस ले मा परसानी होथे, ओला निमोनिया हो सकत हे। निमोनिया, माने फेफड़ा संकरमन होथे। एहा एकठन जानलेवा बीमारी हरे। अइसन मा लइका ला परसिकछित स्वास्थ्य कार्यकर्ता ले तुरते इलाज के जरूरत होथे, जेन स्वास्थ्य सुविधा बर सलाह तको दे सकत हे।
दुनिया मा पांच बछर के कम उमर के टुरा-टुरी मन के मउत के परमुख कारन निमोनिया होथे। एखर बाद दस्त के नंबर आथे। हर बछर 20 लाख लइकामन निमोनिया ले मरथे। एड्स, मलेरिया अउ खसरा के तुलना मा निमोनिया ले जादा लइकामन के मउत होथे। पांच बछर के कम उमर वाले लइकामन के बीच हर पांच मा ले एक के मउत सांस संबंधी संकरमन के कारन होथे।