एसटीआई ले संकरमित जादातर माईलोगन अउ आदमीमन म कोनो लकछन नइ दिखई दे।
भलकुन तुंहर म कोनो लकछन नइ दिखत होहि, लेकिन तुमन ल एखर खतरा हो सकत हे। अगर:
तुंहर साथी ल एसटीआई के लकछन हावे। हो सकत हे, ओ हर तुंहर तक एसटीआई ल पहुंचा चुके होहि, लेकिन तुमन ल कोनो लकछन नइ दिखई देवत होहि।
तुमन एक ले जादा मनखे संग संबंध बनात हव, त ओमा ले कोनो एकझन हर तुंहर तक एसटीआई फइलाए होहि।
पिछला तीन महीना म तुमन कोनो नवा साथी संग संबंध बनाए होहु। हो सकत हे तुंहर ले ठीक पहिली, ओखर कोनो दूसरा साथी ल एसटीआई रिहिस होहि।
तुमन ल लगथे के, तुंहर साथी के कोनो दूसर साथी घलोक होहि (उदाहरन बर, अगर ओ हर घर ले बाहिर कोनो जघा रहत होहि)। अइसन म तुमन ल एसटीआई होए के खतरा जादा होथे।