मोला अपन व्यक्तिगत सुरकछा के बिसेस धियान काबर रखना चाही?
From Audiopedia
दिव्यांगता वाले कोनो महिला ल अपन सुरकछा करे म परसानी हो सकत हे, एखरे सेती ओखर उपर हमला या फेर दुरबेवहार के खतरा जादा होथे। वइसे अपन सुरकछा बर अइसन महिला कुछ कदम उठा सकत हे। दिव्यांगता वाले माईलोगन के समूह के संग अइसन कदम के अभियास करे म मदद मिल सकत हे।
अगर तुमन कोनो सारवजनिक जघा म हावव अउ कोनो मनखे हा तुमन ल चोट पहुंचाए या फेर तुंहर संग दुरबेवहार करे के कोसिस करत हे, त जतना जोर ले गोहार पार सकत हव, गोहार पारव।
कुछु अइसन करव, जेखर ले तुमन “पागल” लगव। जइसे लार ल बोहाना, या उल्टी करे के कोसिस करना।
नकसान पहुंचाए के कोसिस करइया मनखे ल अपन लाठी, बैसाखी या फेर व्हीलचेयर के उपयोग करके मारे के कोसिस करव।
अगर दुरबेवहार करिया मनखे, अपने परिवार के कोनो सदस हे त एखर बारे म परिवार के दूसर सदस, जेखर उपर तुमन भरोसा करथव, ओखर करा बातए के परयास करना चाही। साथे-साथ दिव्यांगता वाले माईलोगन के समूह म घलो अपन बात ल रखे जा सकत हे।