हर बछर, करीब पांच लाख माईलोगन गर्भावस्था, जचकी अउ असुरछित गर्भपात जइसन समसिया के कारन मर जथें। एमा ले जादातर मउत ल परिवार नियोजन ले रोके जा सकत हे। परिवार नियोजन ले नीचे डहर बताए गे गर्भधारन ले जुड़े सबो खतरा ल रोके जा सकत हे:
अब्बड़ जल्दी। जचकी के दउरान 18 बछर के कमती उमर के माईलोगन के मउत के संभाउना जादा होथे, काबर के उंखर सरीर हा बने ढंग ले बिकसित नइ होए रहे। संगे-संग उंखर लईका के घलोक पहिली उमर म ही मरे के संभाउना होथे।
अब्बड़ देरी। जादा उमर के माईलोगन ल लईका पइदा करे म अब्बड़ खतरा होथे, खासकर के अगर ओमन ल दूसर कोनो बीमारी हवय या फेर उंखर पहिली ले कईझन लईका हवय।
अब्बड़ तिर म। गर्भधारण के बीच म महिला के सरीर ल ठीक होए बर समय के जरूवत होथे।।
अब्बड़ अकन लईका। चार झन ले जादा लईका वाले महिला के जचकी के बाद रक्तस्राव अउ दूसर कारन ले मउत होए के खतरा जादा होथे।