मोला 'सुरछित यौन संबंध' काबर अपनाना चाही?
From Audiopedia
अइसन रोगानु कई परकार एसटीआई के कारन बनथें (जइसे गोनोरिया, क्लैमाइडिया, हेपेटाइटिस, सिफलिस अउ एचआईवी), एखर वायरस संकरमित मनखे के सरीर के तरल पदार्थ म रहिथे। ए हर तब फइलथे, जब कोनो संकरमित मनखे के खून, वीर्य या योनि के तरल पदार्थ, कोनो दूसर मनखे के योनि, गुदा, लिंग के नोंक या मुंह के संपर्क म आथे। एखरे सेती, जब तक तुमन ल अइसन भरोसा नइ हो जाए के तुंहर साथी एसटीआई ले संकरमित नइ हे, तब तक सुरछित यौन संबंध बनावत रहिना चाही, मतलब एक दूसर के तरल पदार्थ तक जतना कम हो सके ओतना कम संपर्क म आना चाही। ये सबो संकरमन हर गंभीर बीमारी पइदा कर सकत हें। सरलग इलाज के बिना एचआईवी अब्बड़ खतरनाक हो सकत हे।
असुरछित यौन संबंध या कईझन साथी संग यौन संबंध बनाए ले कोनो महिला ल एचआईवी संकरमन समेत एसटीआई होए के खतरा हो सकत हे। एचआईवी संकरमन ले एड्स होथे, अउ एखर ले मउत तक हो सकत हे। बिना इलाज के एसटीआई ले बांझपन, नली गर्भधारन अउ गर्भपात घलोक हो सकत हे। कई साथी संग यौन संबंध बनाए ले कोनो महिला ल पेल्विक इंफ्लेमेटरी डिजीज (पीआईडी) अउ केंसर होए के घलोक खतरा हो सकत हे। सुरछित यौन संबंध के जरिया ले माईलोगन अउ आदमीमन, ए सबो समसिया ले बच सकत हें।