मोर लईका बर आयोडीन काबर जरूरी हे?
From Audiopedia
अगर कोनो महिला ल गर्भावस्था के दउरान भरपूर मातरा म आयोडीन नइ मिलय, त ओखर लईका मानसिक दिब्यांगता या फेर सुने-बोले वाले दिब्यांगता के साथ पइदा हो सकत हे।
अगर लईका ल ननपन म ही भरपूर मातरा म आयोडीन नइ मिलय त ओखर सारीरिक, मानसिक अउ संगियानात्मक बिकास म देरी हो सकत हे।
इहां तक के एखर थोड़कन कमी तको सीखे के छमता ल कमती कर सकत हे।
घेंघा रोग, थाइराइड ग्रंथि के बाढ़े के संकेत होथे एमा गला हा फूल जथे। ए हा जेवन म आयोडीन के कमी ल बताथे।
सुरूवाती गर्भावस्था म आयोडीन के कमी ले गर्भपात या फेर मरे लईका के जनम के खतरा बढ़ जथे।
साधारन नुन के जगा, आयोडीन वाले नुन खाए ले गर्भवती महिला अउ ओखर लईका ल जरूवत के मुताबिक आयोडीन मिलत रहिथे।
आयोडीन वाला नुन पूरा परिवार बर सुरछित होथे अउ सबो किसम के खाना म एखर जरूवत होथे।
सबो झन ल चाही केओमन बने गुनवत्ता वाले आयोडीन वाले नुन बिसरावय।
महतारी मन ल घलो चाही के ओमन गर्भावस्था के पहिली, दउरान अउ बाद म तको आयोडीन वाले नुन के खावय।
महतारी-बाप ल ए पक्का करना चाही केउंखर लईकामन जेन नुन खाथें, ओमा आयोडीन होना चाही।