स्तनपान ह दुनिया के सबले जुन्ना अउ सरीर ल फायदा देवइया रीत म एक हावय। फेर जइसे-जइसे दुनिया ह बदलत हावे, माईलोगिन मन ल अपन लइका ल स्तनपान कराए के जानकारी अउ सहायता दे के जरुवत पड़थे।
स्तनपान एखर सेती जरुरी हे:
लइका ल बने टन्नक अउ मजगुत बनाए बर महतारी के दूध ह सबले बढ़िया भोजन हे।
स्तनपान करई ह लइका के जनम के बाद माईलोगन के गरभासय ले खून निकले ले रोके म मदद करथे।
महतारी के दूध ह लइका ल कइठन बीमारी अउ संकरमन ले बचाथे। एमा मधुमेह, केंसर, दस्त अउ निमोनिया जइसन बीमारी सामिल हावे। महतारी के दूध ले लइकामन म बीमारी के खिलाप सुरक्षा ह पहुंचथे।
स्तनपान ले महतारी तको ल फायदा होथे। ए ह महतारी ल केंसर या भंगुर हड्डी (ऑस्टिओपोरोसिस) जइसन बीमारी ले बचाए म मदद करथे।
जब कोनो माईलोगिन ह अपन लइका ल स्तनपान कराथे, तब दूध ह साफ-सुथरा अउ बने-बने तापमान म रहिथे।