मोर बर एसटीआई हा गंभीर समसिया काबर हे?
From Audiopedia
एसटीआई के जादातर संकरमन महिला के सरीर के भीतरी म होथे, एखरे सेती आदमीजात के तुलना म माईलोगन म एखर लकछन आसानी ले पता नइ चले। एखरे सेती, कोनो महिला के जननांग के संकरमन के पता लगा पाना कई पइत मुसकिल हो जथे।
कोनो महिला बर खुद ल एसटीआई ले बचाना कठिन तको होथे। काबर के जब ओखर आदमी हर यौन संबंध के मांग करथे, त महिला ल ये मांग ल पूरा करे बर पड़थे। ये बेरा म ओ नइ जाने के ओखर पति कोनो दूसर महिला संग संबंध रखथे के नइ रखे, या फेर का ओ हर एसटीआई ले संकरमित हे। अगर पुरुस के कोनो दूसर साथी संकरमित हे, त ओ हर अपन पत्नी ल संकरमित कर सकत हे।
कई बखत, कोनो महिला हर अपन पति ल कंडोम बउरे बर राजी घलोक नइ कर पाए। यौन संबंध बर लेटेक्स कंडोम दुनों साथी के सुरछा के सबले बढ़िया तरीका हावय,फेर आदमी ल एखर उपयोग करे के खातिर राजी होना होही।