मैं हा पीये के पानी ल खुदे कइसे सुद्ध कर सकत हवं?
From Audiopedia
सूरूज के रोसनी: ह कई परकार के हानिकारक कीटानु ल मार सकत हे। सूरज के परकास के उपयोग करके पानी ल सुद्ध करे बर, कांच या पिलास्टिक के साफ बरतन म पानी ल भरव अउ बिहनिया ले मझनिया तक ले ओला बाहिर म रख देव।
बरतन ल खुल्ला जगा म रखना चाही, जिहां वो ह दिन भर घांम म रही।
(अगर पानी ल तुरते पीये के जरूवत हे त सिरिफ दु घंटा बर घांम म रखे जा सकत हे।)
पानी ल कीटानु ले बचाए बर, एला लईकामन, जानवर अउ धुर्रा-माटी ले दुरिहा रखना चाही। अगर तुमन ए चाहथव के पीये के पहिली पानी ठंडा हो जाए, त बरतन ल रात भर घर के भीतरी म रख सकत हव। पानी ल कोनो बरतन म एक या फेर दु दिन तक रखे जा सकत हे। अइसन जगा जिहां अब्बड़ गरमी रहिथे, उहां सूरूज के परकास ह पानी ल बने असन सुद्ध करथे।
लिमऊ के रसा ह हइजा के अलावा दूसर कईठन कीटानु ल मार देथे। एक लीटर पानी म 2 चम्मच लिमऊ के रसा मिलावव अउ एला 30 मिनिट बर छोड़ देवव।
पानी ल 1 मिनिट तक उबाले ले तको कीटानु मर जथें। बरतन ल ठंडा करे के पहिली, पानी ल पूरा 1 मिनिट उबलना देना चाही। असल म पानी ल उबाले बर भारी अकन इरधन खरचा होथे, एखर सेती ए बिधि के उपयोग, तभेच करना चाही जब तुंहर तिर पानी ल सुद्ध करे के कोनो दूसर तरीका नइ हे।