मैं हा अपन दांत के सुरछा कइसे कर सकत हवं?

दांत के बने असन देकभाल करना अब्बड़ जरूरी होते, काबर के:

खाना ल बने असन चबाए बर अउ पचाए बर मजगुत अउ सुवस्थ दांत भारी जरूरी होथे।

दांत के बने असन देकभाल ले कैविटी (सरे के कारन दांत म छेदा) अउ मसूड़ा के पीरा ल रोके जा सकथे।

सफई म कमी के कारन सरे दांत ह संकरमन के कारन बन सकत हें। अउ ए ह सरीर के दूसर हिस्सा ल परभावित कर सकत हे।

जेन मन अपन दांत के बने असन देकभाल नइ करएं, बुढ़ाए के बाद उंखर दांत झर जथे।

दिन म दु पइत दांत के सफई करना चाही।

एखर ले दांत के कीटानु मर जथें, अउ दांत ह सरे ले बांचथे। दांत के आगु-पिछु सबो डहर बने असन सफई करना चाही, साथे-साथ दांत के बीच म अउ मसूरा के नीचे घलोक सफई करना चाही। एखर बर मुलायम बरस, दतोन अउ अंगरी म लपटे कपड़ा के उपयोग करे जा सकत हे।

टुथपेस्ट घलोक बने होथे, लेकिन ए ह जरूरी नइ हे। नुन, बेकिंग सोडा या फेर साफ पानी ले घलोक दांत के सफई करे जा सकथे।

Sources

Audiopedia ID: hne_01_13