मैं हर सुरछित गर्भपात कइसे करा सकत हंव?
From Audiopedia
कानूनी गर्भपात: अगर गर्भपात हर कानूनी हे त कोनो महिला, स्वास्थ्य केंद्र या हस्पताल म सुरिछत रूप ले गर्भपात करा सकत हे। जेन देस म अइसन सुविधा होथे, उहां गर्भपात के कारन कोनो महिला हा बीमार नइ पड़ए या फेर ओखर जान नइ जावए।
कई मामला म कानूनी गर्भपात: कईठन देस म गर्भपात कुछु खास कारन ले कानूनी होथे, जइसे:
फेर ओ कारन मन ले घलो गर्भपात करवई हा मुसकिल होथे। कई पइत डाक्टर अउ स्वास्थ्य करमी मन ल कानून के बारे म बने असन जानकारी नइ होवए। हो सकत हे, ओमन खुल्ला रूप म गर्भपात करे बर तइयार नइ होंहि, या फेर जादा पइसा वसूल करहीं। कई पइत माईलोगन ल तको अपन देस के गर्भपात कानून के बारे म पूरा जानकारी नइ रहय।
गर्भपात कराना कानूनी हो या झन हो, लेकिन कई पइत सुरछित गर्भपात कराना अब्बड़ कठिन हो जथे। काबर के गर्भपात के माहंगा हावय, हस्पताल हा दूरिहा म हावय अउ भरम म डारे वाले नियम-कानून या फेर अब्बड़ अकन कागजात ल भरे बर लगथे।
ए सबो समसिया के कारन अकसर कईझन माईलोगन बर सुरछित गर्भपात कराना कठिन हो जथे, खासकर जेन मन गरीब हें या जेन मन चिकित्सा परनाली के बारे म जादा नइ जानए।
दुरभाग ले कई जघा म, उही माईलोगन मन सुरछित गर्भपात करा सकथे, जेन मन निजी डाक्टर के खरचा ल उठा सकत हें।
अवैध गर्भपात: अगर गर्भपात कानूनी नइ हे, त गर्भपात करवइया माईलोगन अउ करइया, दुनो झन ल गिरफ्तार करे जा सकत हे। वइसे जादातर जघा म अइसन नइ होवए, लेकिन जेन देस म गर्भपात गैरकानूनी हे, उहां असुरछित गर्भपात अउ असुरछित गर्भधारन ले जादा माईलोगन के मउत होथे। महिला स्वास्थ्य सेवा म जउन पइसा ल खरच करे जा सकथे, ओला असुरछित गर्भपात के जटिलता के इलाज म खरच करे जथे।
जरूरी बात: पहिली ले गर्भपात ल अवैध नइ मानना चाही। पहिली अपन देस के कानून के बारे म जाने के परयास करना चाही। कानून ल बदले के तुलना म, कानून के भीतर काम करना आसान होथे। गर्भपात अवैध होय म घलो सुरक्षित गर्भपात करइया लोगन हो सकत हे। सुरछित गर्भपात खोजे के मतलब जिंदा रेहे अउ मरे के अंतर हो सकत हे।