मैं हर बिन यौन संबंध के संबंध कइसे बना सकत हंव?
From Audiopedia
तुमन बिना यौन संबंध के घलोकएके संग समय बिता सकत हव। आपस म गोठियाए ले अउ अपन-अपन अनुभव बांटेले घलोकतुमन एक-दूसर के बारे म अब्बड़ अकन बात समझ सकत हव। तुमन एक दूसर ल समझा सकत हव के, जिनगी के बारे म तुंहर का-का खियालहे, भविस म तुमन कइसन फइसला लेहु, तुमन कइसन साथी अउ महतारी-बाप बनहु ये सब । बिन यौन संबंध के एक-दूसर ले छुए ले घलोकअब्बड़ संतोस मिल सकत हे। अइसन करना तब तक खतरनाक नइ होवए, जब तक तुमन अपन उपर नियंतरन ल छोड़ के बिन तइयारी के यौन संबंध नइ बनावव।
अपन पुरूस साथी संग ए बारे म गोठियावव। अगर तुमन ल भरोसा के ओ हर तुंहर बर संही हे, लेकिन अभी तुमन यौन संबंध बर तइयार नइ हवव, त एखर बर अगोरना चाही। हो सकत हे वहु हर यौन संबंध बर तइयार नइ होही। अगर तुमन एक-दूसर के सम्मान करहु त, तुमन मिलजुर के फइसला ले सकत हव।
अपन संगवारी मन ले गोठियावव। हो सकत हे तुंहर कोनो संगवारी घलोक अइसन स्थिति के सामना करत होही। संगवारी संग मिलके, तुमन बढ़ियारिस्ता बनाए के तरीका ढूंढ सकत हव। लेकिन जेन संगवारी हर पहिली ले यौन संबंध बना चुकेहे, ओखर सलाह के बारे म थोड़किन सोंच-बिचार के फइसला लेना चाही। हो सकत हे, ओ हर तुमन ल घलोक असइन करे बर परेरित कर सकत हे। एला 'संगी दबाव' केहे जथे।