अगर कोनो महिला हर बार-बार गर्भवती होथे, या ओखर परसवकाल लंबा रहिथे, या फेर परसव के दउरान अब्बड़ जल्दी धकेल देथे, त ओखर गरभासय ल संभलइया मांसपेसी अउ स्नायुबंधन कमजोर हो सकत हे। जब अइसन होथे त गरभासय के कुछ भाग या पूरा भाग योनि डहार गिर सकत हे। एला प्रोलैप्स या फेर गिरे हुए बच्चादानी कहिथें। पिसाब के बार-बार बाहिर आना एखर संकेत होथे। गंभीर मामला म गरभासय के ग्रीवा हर योनि के द्वार म दिखे ल लगथे। एखर रोकथाम बर, लईकामन के जनम म दु बछर के अंतर रहिना चाही। परसव के दउरान, तभे धकेलना चाही जब गरभासय ग्रीवा बने असन ले खुले रहे अउ धकेले के जरूवत हो। लईका ल जल्दी बाहिर करे बर, जबरदस्ती गर्भ म दबाव नइ डालना चाही।