मैं बुरुली घाव के सुरूवाती लकछन के खुदे जांच कइसे कर सकत हवं?
From Audiopedia
एखरे सेती, अगर तुमन कोनो अइसन जघा म रहिथव जिहां ये बीमारी फइले हे त, तुमन ल अपन प्राथमिक स्वास्थ्य केंद्र के स्वास्थ्य कारकरता अउ डाक्टर के सलाह लेना चाही। अपन अउ अपन लइकामन म कोनो सुरूवाती लकछन हावे के नइ तेखर बेरा-बेरा म जांच करवाना चाही।
चमड़ी के बदलाव जइसे छोटकू-बिन पीरा के घांठा या फेर चमड़ी के तरी म बड़का अउ कड़ा फूले वाले जघा, बिसेस रूप ले हाथ, गोड़, बांही या फेर चेहरा म अऊ अपन सरीर के आन सबो अंग म तको जांच करना चाही। का चमड़ी के तरी म धिर लगाके बढ़इया कोनो घांठा या फेर फूले असन हावे, जेन मच्छर के काटे असन दिखत हावय? अपन चमड़ी म दिखईया कोनो गड़बड़ी के धियान रखना चाही। कभु-कभु एके ठन घाव बनथे, लेकिन बाद म दु-तीन ठन घाव बन सकत हे। साथे म अकसर कोनो परकार के पीरा नइ होवए अउ बुखार तको नइ आवए। अगर तुमन ल अइसन कोनो घांठा, फूले असन या फेर घाव दिखथे, त तुमन ल तुरते स्वास्थ्य कारकरता ल दिखाना चाही।