बलात्कार ले बांचे के कोनो एके परकार के खास तरीका नइ होवए। लेकिन एखर ले बांचे बर महिला हर हालात के मुताबिक कई परकार के जतन कर सकत हे। ए हर एखर उपर निरभर करथे के ओ महिला हर सामने वाला मनखे लजानथे के नइ जाने, ओ हर कतना डर्राएहे या कतना खतरा म हे। अगर कोनो महिला हर बलात्कार लेबांचे म बिफल रहिथे, त एखर मतलब ए होइस के कोनो ताकत वालामनखे हर ओखर उपर हावी होगे।
ये उपाय मन माईलोगन केबलात्कार ले बांचे म मदद कर सकत हे:
दूसर माईलोगन के बीच म रहि के काम-बूता करव। अइसन म तुमन ल सुरछित महसूस होही।
कोनो अइसन मनखे ल अपन घर म झन घुसन देवव, जिंखर ले तुमन ल डर लगथे। अपन अकेल्ला होए के बारे म कोनो ल झन बतावव।
रात म अकेल्ला कोनो मेर झन जावव। अगर कोनो मेर अकेल्ला जा थव त खुद ल मजगुत देखावव। जादातर बलात्कारी मन कमजोर महिला उपर हमला करथें।
अगर कोनो मनखे हर तुंहर पाछु लगे हे, त दूसर कोती जाए के परयास करव या कोनो घर-दुकान म खुसर जावव। या फेर पलट के ओखर संग ओखर मनसा लपुछव।
अपन संग म कोनो अइसन जिनिस रखव, जेखर ले भारी आवाज होवत होही, जइसे सीटी। एखर अलावा, डंडा या फेर कोनो मिरची पाउडर घलोक रख सकत हव, जेला आगुवाले के आंखी म डार के बांचे जा सकय।
अगर तुंहर उपर हमला होवत हे, त जोर ले चिल्लावव या सीटी बजावव। अगर एखर ले काम नइ बनत हे, त खुद ल बचाए बर ओखर उपर पलटवार करव।