मैं टेटनस के संकरमन ल कइसे रोक सकत हवं?
From Audiopedia
टेटनस, अइसन संकरमन होथे, जेन हर परान तको ले सकत हे। कोनो महिला ल टेटनस तब होथे, जब लोगन या फेर जानवर के मल म रहवइया रोगानु, कोनो घाव डाहर ले ओखर सरीर के भीतरी म घुस जथे। वइसे तो टेटनस कोनो ल घलो हो सकत हे, फेर परसव के दउरान माईलोगन अउ लईकामन ल एखर जादा खतरा होथे। अगर परसव के दउरान या फेर लईका के नाल काटे के दउरान, कोनो अइसन औजार के परयोग करे गे हे, जेला बने असन कीटानुरहित नइ करे गे हे त टेटनस सरीर के भीतरी म घुस सकत हे। एखर ले बचाव करे बर, सबो गर्भवती माईलोगन ल टेटनस के टीका लगवाना चाही। अगर कोनो महिला ल पहिली टीका नइ लगाए गे हे त परसवपूर्व जांच के दउरान इंजेक्सन लगवाना चाही, फेर एक महीना बाद दूसर इंजेक्सन ल लगवाना चाही। फेर संभव होए म ओमन ल बाकी कार्यकरम के पालन करना चाही।: