मैं खुदे कोढ़ के रोग के लकछन ल कइसे पहिचान सकत हवं?
From Audiopedia
आगु चलके कोनो परकार के बड़े परसानी, जइसे परभावित जगह के सुन्न होना, अंगरी मन ल हिलाए-डुलाए म तकलीफ होना, आंखी म कोनो परकार के समसिया, हाथ-गोड़ के विकृति, ले बचना हे त कोढ़ के बीमारी के तुरते पता लगाना अउ इलाज सुरु करवाना अब्बड़ जरुरी होथे। संगे-संग, ए बीमारी ल दूसर मनखे तक फइले ले भी रोकना भारी जरुरी होथे।
चमड़ी म कोनो परकार के दाग-धब्बा के जांच बर पूरा सरीर ल दिखाना चाही। खासकर, चेहरा, बांही, पीछ अउ गोड़ के। अगर आपमन के चमड़ी म धिर-धिर बढ़े वाले कोनो धब्बा हे, जेमा खजरी या फेर पीरा नइ होवए, अगर ए धब्बा के रंग ह अलग दिखत हे, या फेर पिंवरा पड़त हे, त तुरते कोनो डाक्टर संग एला दिखाना चाही।
परभावित के सुन्न हे के नइ, एखर जांच बर आपमन पंख या धागा के घलोक उपयोग कर सकत हव।
सबले पहिली ये पंख या फेर धागा के नोक ल दाग-धब्बा के आसपास, जिहां के चमड़ी समान्य हे, छुआना चाही, फेर धिर-धिर दाग-धब्बा के भीतर एला छुआना चाही। फेर ए देखना चाही, सामान्य चमड़ी अउ दाग-धब्बा वाले जगह म पंख के नोक ल छुआए ले आपमन ल कइसे महसूस होइस। दुनो जगह के तुलना करना चाही।
का आपमन सबो जगह म एके असन स्पर्स महसूस करत हव? का आपमन ल अलग-अलग जगह म अलग-अलग स्पर्स महसूस होथे? का आपके हाथ या गोड़ दरद महसूस नइ होत हे, अगर आपमन ल अइसन कोनो भी परकार के परसानी होथ हे त किरपा करके कोनो डाक्टर संग बात करव।
अपन हाथ-गोड़ ल देखव, अगर आपमन ल थोड़कन भी कमजोरी या फेर विकृति दिखथे, त कोनो डाक्टर संग मिलव। उदाहरन बर, अगर आपमन ल अपन अंगरी ल सीधी करे म, या फेर अपन छोटे अंगरी के टोंक ल अपन अंगूठा ले छुए म कठनाइ होवत हे, त फेर ए हर समसिया के बात हे। अगर आपमन ल अपन गोड़ ल उठाए म समसिया होवत हे, या फेर आपमन के गोड़ के अंगरी सिकुड़ गे हे, त आपमन ल डाक्टर के पास जाना चाही।
सरीर म बिना दरद वाले कोनो बदलाव होथे, त आपमन ल सावधान होना चाही। जइसे चमड़ी के नीचे, खास कर के कान के नीचे या चमड़ी के भीतर कोनो परकार के गांठ महसूस होथे, अगर ये गांठ मोटा के गे अउ ओला दिखत हे, त आपमन ल कोनो डाक्टर संग मिलना चाही।