खाना बनाए के पहिली, खाए के पहिली अउ लईकामन ल परोसे के पहिली, अपन हाथ ल साबुन अउ पानी ले धोना चाही। अपन हाथ धोए ले बीमारी ल फइले ले रोके जा सकत हे। हाथ ल पोंछे बर एकठन साफ कपड़ा रखना चाही। ए कपड़ा ल हमेसा धोवत रहिना चाही अउ एला घांम म सुखाना चाही। हाथ म पानी हे त एला झटकार के, हवा म सुखाना चाही।
काँचा खवइया सबो फर अउ साग मन ल धो के छिल लेना चाही।
मास, मुरगी या फेर मछरी मन ल काँचा खवइया खाना के तिर म नइ रखना चाही या उंखर ले नइ छुवाना चाही।
अइसन मास ल काटे के बाद अपन हाथ, चाकू-छुरी अउ बरतन ल धोना चाही।
खाना के तिर म खांसना-थूकना नइ चाही। न ही पान-वान खाना चाही। एखर ले तुंहर लार खाना म जा सकत हे।
ए बात के धियान रखव के जानवरमन साफ बरतन ल झन चाटएं।