मैं कम खरचा म बने असन खाना कइसे खा सकत हवं?
From Audiopedia
कम कीमत पर जादा बिटामिन, खनिज अउ पुरोटीन पाए के इहां कुछ सलाह दे जा थे: बरबटी, मटर, दार अउ फल्ली म भरपूर मातरा म पुरोटीन होथे।
अगर एमन ल पकाए अउ खाए के पहिली अंकुरित होए ल दे जाए तएमन म जादा बिटामिन होथे।
पुरोटीन के एकठन सस्ता सरोत अंडा घलोक हे।
लीवर, दिल, किडनी, खून अउ मछरी, दूसर मास के तुलना म सस्ता होथें अउ इन मन भारी पोस्टिक होथें।
अगर मिलिंग के बेरा, चाउर, गंहू अउ दूसर अनाज के बाहरी छिलका ल नइ निकाले जाए त, एमन अउ जादा पोस्टिक हो जथें।
फर अउ साग-भाजी ल ताजा-ताजा खाहू त ओमा जादा पोसन होही।
बिटामिन ल बचाके राखे बर, एमन लठंडा अउ अंधियार जगा म रखना चाही।
साग-भाजी बनाए के दउरान, थोड़किन पानी डारना चाही, काबर केपकाए के दउरान साग-भाजी के बिटामिन मन हा पानी म चल देथे।
फेर साग-भाजी के पानी ल सूप के रूप म पी लेना चाही।
गाजर अउ फूलगोभी, जइसन साग-भाजी के बहिरी पत्ती म कई किसम के बिटामिन मउजूद होथें। इंखर उपयोग सूप बनाए म करे जा सकत हे।
उदाहरन बर, कसावा के पत्ती म ओखर जर के तुलना म 7 गुना जादा पुरोटीन अउ बिटामिन होथे।
कई किसम के जंगली फर, जइसे जामुन, म बिटामिन सी अउ सरकरा होथे, जेखर ले जादा बिटामिन अउ उरजा मिल सकत हे।
अगर तुंहर घर-दुवारी म जगा हे त खुदे साग-भाजी उगाए ले घलोक तुमन ल कम खरचाम स्वस्थ जेवन मिल सकत हे।
दूध अउ दूध ले बने उत्पाद ल ठंडा अउ अंधियारी जगा म रखना चाही।
ए उत्पाद मन सरीर के निरमान बर पुरोटीन अउ कैलसियम ले भरपूर होथें।
पैकेट वाला खाना या बिटामिन बर पइसा खरचा करे ले बचना चाही।
अगर कोनो महतारी-बाप मन मिठई या सोडा जइसन जिनिस म जादा खरचा करथें, त एखर बजाय अगर ओमन ए पइसा ल पोस्टिक खाए-पीये के जिनिस म करहीं त उंखर लईकामन ल जादा फायदा होही।
जादातर मन ल जेवन ले जरूरी बिटामिन मिल सकत हे, एखर सेती गोली या फेर इंजेक्सन के तुलना म पोस्टिक खाए-पीये के जिनिस म पइसा खरचा करना जादा समझदारी हे।
तभो ले अगर तुमन ल बिटामिन लेना ही हे तगोली खाना चाही।
इंजेक्सन के तुलना म, ए हा सुरछित अउ सस्ता पड़थे।