छोटे लइकामन अपन मुंह म कुछु डाल के अपन तीर तखार के परयावरन ल पहचानथें, लेकिन अइसन जिनिस ले उनखर दम तको घुट सकत हे। अइसने, नानकिन लइका मन ल कड़ा मिठई ल खाए म अउ निगले म समस्या होथे, ऐखर ले उनखर दम तको घुट सकत हे।
दाई-ददा या आने मनखे ल चाही कि:
खेले अउ सुते के जगह नान्हे-नान्हे जिनिस जइसे: बटन, मोती, फुग्गा, पेन के टक्कन, सिक्का, बीजा अउ कड़ा मिठइ ले मुक्त रखव।
लइकामन के नवा खिलौना के संग म खेले के पहिले जांच-परख कर लेवव, ताकि ये पता लग सके कि ओमा कोनो नोक्किल टुकड़ा तो नइ हे, जेन टूट जाए अउ लइका ओला लील डारे। एखर ले लइका ल भारी नकसान हो सकत हे।
लइकामन ल कभी अइसन खाना मत देवव जेखर ले उनखर दम घुट जाए, जइसे मूंगफली, कड़ा मिठइ, छोटे हड्डी या फेर बीज वाले खाए पिए के जिनिस
खाए के बेरा हमेशा लइका के निगहबानी करव अउ लइका के खाना ल गुंड़ा कर देवव, जेखर ले लइका ओला आराम से चबा अउ लील सकय।
खंस्सी, मुंहु बंद होवइ अउ जोर-जोर से आवाज वाले सांस या फेर बोले म होवइया परेशानी, सांस लेवए म होवइया परेशानी, दम घुटे के संकेत हो सकत हे। दाई-ददा अउ आने मनखे मन ल अइसन हालत म संका होना चाही कि कहूं लइका के दम तो नइ घुटत हे।