मैं अपन लइका ल जहर ले होवइया नकसान ले कइसे बचा सकत हवं?
From Audiopedia
पिये के ठंडा चीज या फेर बियर के बोतल, जार या कप म कभू जहर नइ रखना चाही, काबर कि लइकामन एला गलती ले पी सकत हें। सब्बो दवाईपानी, रसायन अउ जहर ल उनखर अपन बोतल म कसके बंद करके अउ लइकामन के पहुंच ले दुरिहा रखना चाही।
डिटरजेंट,बिलीच,रसायन अउ दवाइगोली मन ल कभू अइसन जगह म नई रखना चाही जिहां तक लइकामन पहुंच सकथें। अइसन चीज ल अलमारी या फेर संदूक म बंद करके रखना चाही, जिहां तक लइका के हाथ झन पहुंच सके या फेर ओला ओमन देख झन सकें।
जवान मन बर बने दवईगोली तको नान्हे लइकामन ल मार सकत हे या फेर घायल कर सकत हे। कोनो लइका ल उही दवई देना चाही, जेन ला डॉक्टर ह ओखर बर लिखे हे। जवान मन के या फेर आने के दवाई ल लइकामन ल नइ देना चाही। लइकामन ल अपने हाथ दवाई नइ खाना चाही। दाई-ददा या फेर कोनो आने मनखे के देखरेख म लइका ल दवाई देना चाही। दवाई ल लइका के पहुंच ले दुरिहा अउ नजर ले दुरिहा रखना चाही।
अइसन पेटी जेमा जहरीला जिनिस हो ओमा बाल परतीरोधी कलोजर के उपयोग करे जाना चाही।