इहां कईठन सवाल दे गे हें, जिंखर उपर बिचार करके तुमन अपन बर सही बिधि चुन सकत हव:
ए हर गर्भधारन ल कतना अच्छा तरीका ले रोकथे (एखर परभावसीलता)?
ए हर एसटीआई ले कइसे रछा करथे?
ए हर कतना सुरछित होथे? अगर तुमन ल कोनो किसम के स्वास्थ्य समसिया हे, त तुमन ल कुछ खास बिधि ले बांचे के जरूवत हो सकत हे।
एला बउरना कतना आसान हे?
का तुंहर साथी हर परिवार नियोजन ल बउरे बर तइयार हे?
तुंहर खुद के जरूवत अउ संसो का हे? उदाहरन बर, तुंहर लईकामन के संख्या परयाप्त हे या फेर तुमन अपन लईका ल बरोबर स्तनपान करा पा थव?
कोनो भी बिधि म कतना खरचा अथे?
का एला हासिल करना आसान हे? का एखर बर तुमन ल अकसर कोनो स्वास्थ्य केंद्र म जाए बर पड़ही?
एखर कोनो दुस्परभाव ले तुमन ल कतना परसानी होही?
सबो तरीका के बारे म पढ़े के बाद, तुमन कोनो एक बिधि ल चुन सकत हव। ए बिधि मन बारे म तुमन अपन घरवाला तिर, कोनो महिला तिर या कोनो स्वास्थ्य कारकरता तिर गोठिया सकत हव, एखर ले तुमन ल पूरा जानकारी मिलही।
कोन बिधि सही हे, एखर बारे म सिरिफ तुहीच मन फइसला ले सकत हव।