मैं अपन पोसन ल कइसे सुधार सकत हवं?
From Audiopedia
ए सुझाव हा, तुमन ल अलग-बिलग किसम के खाए के जिनिस उगाए म मदद कर सकत हे। तुमन एला बने असन सकेलके रख सकत हव, जेखर ले भोजन खराप झन होवए।
एमा लेकुछु उदाहरन मन तुरते अपन परिनाम देखाथें।
कईठन दूसर उदाहरन, भारी बेरा म काम करथें।
अपन बारी-बखरी म खाए के जिनिस ल बढ़ाए बर, एके संग कई किसम के फसल उगाए के परयास करना चाही।
उदाहरन बर, जमीन के तिरम उगइया पौधा मन ल, ऊंचाबढ़इया पौधा के संग म मिलाए जा सकत हे।
ए मेर फर के पेड़ तको लगाए जा सकत हे।
झटकन बढ़इया पौधा अउ देरी ले बढ़इया पौधा ल मिला के जगाए जा सकत हे।
दूसर फसल के बाढ़े के पहिली, पहिला वाले फसल ल काटे जा सकत हे।
अगर तुमन नकदी फसल (नइ खाए वाले केफसल, जेला तुमन बेच देथव) के बोनी करथव, त एखर संग-संगे खाए के फसल लगाए के घलोक परयास करव।
उदाहरन बर, कॉफी म छईहाँपड़े बर अखरोट या फेर फर देवइयापेड़ ल लगावव।
या फेर कपास के संग म कसावा के पौधा ल लगावव।
अपन इलाका के मउसम लदेख के, पोस्टिक पौधा खोजे के परयास करव, जेखर ले कम पानी अउ कम खातू म बढ़िया फसल हो सकय।
फसल के बदलत रहव। हर दूसर रोपन मउसम म, अइसन फसल लगावव जेखर ले माटी के ताकत बढ़त सके। जइसे, सेमी, मटर, मसूर, मुंगफल्ली, या बीजा वाले कोनो किसम के पौधा।
उदाहरन बर, ए साल मक्का लगावव अउ दूसर साल फल्ली वाले फसल लगावव।
कई किसम के खाए के जिनिस उगाए के परयास करना चाही।
एखर ले, ए फायदा होथे के कोनो एक फसल खराप घलोक हो जाही त दूसर फसल म कुछु न कुछ बांच जाही।
खेतके बीच-बीच म नाली बनाए ले माटी हा नइ बोहाय।
पराकिरतिक खातू के परयोग करव।
अपन खेतके तिर म खातू के ढेरी बनावव, एखर ले फोकटम तुमन ल खातू मिल सकही।
अगर संभव हे ते दूसरमन के संग मिलके खाद्य सहकारी संस्था बनावव।
कोनो एक समुदाय हा कम कीमत म जादा मातरा म खाए-पीये के जिनिस बिसरासकत हे।