मैं अपन घाव के बने असन जतन कइसे कर सकत हवं?
From Audiopedia
अगर तुमन कोनो अइसन विधि अपनथव जेखर ले नवा चमड़ी बन सके, त तुंहर घाव तेजी ले ठीक होही। एखर बर तुमन ल अपन घाव ल साफ रखे ल पड़ही। घाव के जतन बर, ए काम करे ल चाही:
जब घाव ठीक हो जथे, त ओ मेर निसान घलोक पड़ जथे। अइसन निसान कुछ महीना म ठीक हो जथे। ए हर मोट्ठा तको हो सकत हे, या फेर छोटकुन घलोक हो सकत हे। जब चमड़ी हा मोटा जाए त उपचार म सहयोग दे बर संपीड़न पट्टी बांधना चाही। जब चमड़ी हा छोटकुन हो जथे त धीर लगाके एला खींचना चाही। निसान के इलाज बर बैसलीन या क्रीम ल बउरना चाही। मख्खन या फेर जानवर के वसा ल नइ बउरना चाही, एखर ले कीड़ा-मकोड़ा आथे।
कोनो बड़े घाव हर, तुंहर सरीर के परभावित हिस्सा ल हिलाए-डुलाए म परसानी पइदा कर सकत हे।
एखर सेती, दुबारा ले चले-फिरे बर तुमन ल फिजियोथेरेपी जइसन विसेस परसिकछन ले बर पड़ सकत हे। फिजियोथेरेपी के डाक्टर हर तुमन ल अपन परभावित हिस्सा ल हिलाए-डुलाए बर सिखा सकत हे। अइसन व्यायाम ल जल्दी सुरु करे ल चाही अउ बार-बार करे ल चाही। एखर ले तुमन दिव्यांगता म सुधार कर सकत हव। अगर तुमन ल अल्सर हे त परभावित हिस्सा ल धीर लगाके हिलाना चाही।
अपन सरीर के दूसर हिस्सा के घलोक जांच करे ल चाही। खासकर चमड़ी के परत के भीतर। कोनो परकार के चोंट, घाव या फेर कंटा गे हे, त ओखर इलाज करे ल चाही। अगर घाव के तिर ह लाल, गरम, फूले असन हे त ए हर घाव के सुरुवात हो सकत हे। अगर अइसन कोनो लकछन दिखथे त तुमन ल अपन सरीर ल आराम देना चाही।