मैं अपन खुद ला मजगुत करके अपन मानसिक समसिया ल कइसे रोक सकत हवं?
From Audiopedia
अपन भाउना ल बाहिर निकाले बर अइसन काम करना चाही: अगर तुमन अब्बड़ घुंसियाथो, त भारी मेहनत वाले कोनो काम करव। अगर तुमन ल दूसर संग अपन गोठबात करे म परेसानी होथे त कविता, गीत अउ कहानी लिखना-पढ़ना चाही। या फेर तुमन कुछु केहे-बोले बिना अपन भाउना ल उघारे बर कोनो पेटिंग घलो बना सकत हव।
खुसी वाले माहौल बनाना: जिहां तुमन रहिथव, ओ जघा ल बने सुघ्घर सजा-सवरां सकत हव, एखर ले तुमन ल बने लगही। भले तुंहर घर-दुआर हा छोटकन रहे, लेकिन एला अपन इच्छा मुताबिक सजाए-जमाए ले तुमन हा अच्छा महसूस करहू। साथे-साथ जतका संभव हो सके रोसनी म रहिना चाही अउ ताजा हवा लेना चाही।
अपन तीर-तखार के जघा ल सुंदर रखे के परयास करना चाही। जइसे कमरा भीतर कुछु फूल लगाना चाही, गाना बजाना चाही या फेर जेन मेर तुमन ल बने लगत होही ओ मेर जाना चाही।
भीतरी ताकत ल बढ़ाए बर कुछु अभियास करव: कइ समुदाय या फेर जातसमाज म अइसन रीतिरिवाज रहिथे जेखर ले अपन सरीर अउ दिमाग ल सांत रखे जाथे, एखर ले भीतरी ताकत घलो बढ़थे। उदाहरन बर: योग,पराथना या फेर धियान लगाना। अइसन अभियास के माधम ले मनखे ल अपन जिनगी म तनाव अउ दूसर परसानी संग निपटे म मदद मिल सकत हे।