मेहा चमड़ी संबंधी समसिया ल कइसे रोक सकत हवं?
From Audiopedia
कम से कम हर दु घंटा म हिले-डुले के परयास करना चाही। अगर तुमन हर बखत लेटे रहिथव त करवट ले बर कोनो के मदद लेना चाही।
मुलायम सतह म लेटना या फेर बइठना चाही, एखर ले हड्डी वाला जघा म दबाव कम हो सकही। अपन हड्डी वाले हिस्सा म अइसन तकिया लगाना चाही, जेन भीतर ले खोखला रहय। या फेर कच्चा फल्ली अउ चाउर धरे के बोरी के मुड़सरिया बनाना चाही। एला मास म एक पइत, नवा चाउर अउ फल्ली ले भर देना चाही।
रोज अपन पूरा सरीर के जांच करना चाही। अपन पीठ ल दरपन म देखना चाही। अगर कोनो मेर गहिरा निसान या लाल निसान दिखत हे, त ओ हिस्सा म दबाव नइ देना चाही।
खूब अकन फर-सब्जी अउ प्रोटीन ले भरपूर खाद्य पदार्थ खाए के कोसिस करना चाही।
मासिक धर्म के दउरान, खून ल रोके बर अपन योनि भीतर कपड़ा या फेर टैम्पन के परयोग नइ कर चाही। एहा तुंहर सरीर के भीतर के हड्डी म दबाव डाल सकत हे और तुंहर योनि म घाव बनाए ल सकत हे।
हर रोज नहाए-धोए के कोसिस करना चाही। ए दउरान अपन चमड़ी ल थपथपा के सुखाना चाही, रगरना नइ चाही। लोशन अउ तेल नइ लगाना चाही, काबर के एखर ले चमड़ी मुलायम अउ कमजोर हो सकत हे। अपन चमड़ी म कभु अलकोहल नइ लगाना चाही।